Rjúpnaskyttur í ógöngum

Björgunarsveitir úr uppsveitum Árnessýslu þurftu tvisvar að fara upp á hálendi í gærkvöldi og nótt til þess að sækja rjúpnaskyttur, sem höfðu lent í ógöngumn.

Fyrst lenti bíll ofan í gili norðan Rauðafells, en par sem var í honum, slapp ómeitt. Fólkið þurfti að ganga í hálfa aðra klukkustund í vonsku veðri áður en það náði símasambandi og gat kallað eftir hjálp. Þá festust tveir bílar í krapa og aur á Rótarsandi á tólfta tímanum í gærkvöldi.

Að sögn björgunarsveitarmanna voru bílarnir illa búnir til ferða á þessum slóðum. Björgunarmönnum tókst að ná bílunum upp og komu með þá og mannskapinn til byggða undir morgun.

Rjúpnaveiði er bönnuð næstu þrjá sólarhringana og segir í skeyti frá björgunarsveitamönnum í nótt, að þeir verði hvíldinni fegnir