Áhersla á launahækkanir sem tryggi kaupmátt

Þingi Landsambands íslenzkra verzlunarmanna lauk í dag og en á þinginu var meðal annars ályktað um kjaramál. Landsambandið leggur áherslu á að í komandi kjarasamningum verði samið um launahækkanir sem tryggi launafólki aukinn kaupmátt.

„Mikilvægt er að bæta sérstaklega kjör þeirra sem eru á lægstu laununum," segir í ályktuninni. „Slíkt þarf að gera með margþættum aðgerðum; sátt þarf að ríkja um að kaupmáttur lægstu launa hækki umfram annarra í þjóðfélaginu, nýta þarf skattkerfið til að lækka skattbyrði lágtekjufólks. Þá er mikilvægt að efla velferðarkerfið m.a. með því að hækka barna-, vaxta- og húsaleigubætur og draga úr tekjutengingum. Jafnframt er mikilvægt að bæta sérstaklega kjör þeirra sem setið hafa eftir í launaþróuninni að undanförnu."

Þá krefst þingið þess að „stjórnvöld axli ábyrgð sína á hagstjórninni og komi á efnahagslegum stöðugleika með lágri verðbólgu, hóflegum vöxtum og stöðugu gengi."