Innlent

Foreldrar 7100 barna hafa nýtt sér frístundakortið

MYND/Stefan

Foreldrar 7100 barna og unglinga í Reykjavík hafa nú sótt um frístundakortið og ráðstafað styrknum til félaga sem voru búin að skrá sig hjá borginni. Eru það um 60 prósent af þeim fjölda sem gert var ráð fyrir að myndi nýta sér frístundakortið í fyrsta áfanga.

Eftir því sem kemur fram í tilkynningu frá borginni hefur ÍTR gert samninga við 105 aðila að Frístundakortinu sem bjóða börnum og unglingum upp á tómstundir og hefur verið mikið um skráningar síðustu daga bæði af hálfu foreldra og félaga.

Foreldrar geta ráðstafað frístundakortsstyrknum til 10. desember og þá verður kerfinu lokað fyrir það tímabil og gengið frá síðustu greiðslum til félaganna. Nýtt tímabil hefst 1. janúar 2008 en 25 þúsund krónur verða til ráðstöfunar á því ári.

Skráning gengur þannig fyrir sig að eftir að foreldrar hafa skráð barn sitt í starfsemi hjá félagi sem aðild á að Frístundakortinu sendir félagið skráninguna inn á Rafrænu Reykjavík. Þá geta foreldrar farið inn á sína síðu og ráðstafað greiðslu vegna þátttöku barnsins í starfeminni en öll skráning í Frístundakortið fer fram með rafrænum hætti á Rafrænu Reykjavík.

Mest lesið


Fleiri fréttir

Sjá meira


×

Mest lesið