Sektaður fyrir árás á leigubílsstjóra

Héraðsdómur Reykjavíkur dæmdi í dag karlmann til þess að greiða 180 þúsund krónur í sekt fyrir að hafa ráðist á leigubílsstjóra í september í fyrra. Jafnframt var hann dæmdur til að greiða leigubílsstjóranum 100 þúsund krónur í miskabætur.

Maðurinn var ákærður fyrir að veitast að leigubílstjóranum, þrítugri konu, og taka hana hálstaki með þeim afleiðingum að hún hlaut klórfar hægra megin á hálsi og roðabletti vinstramegin.

Eftir því sem fram kemur í dómnum kastaðist í kekki með manninum og leigubílstjóranum eftir að samferðakona mannsins sagði að sér væri óglatt. Nefndi leigubílstjórinn þá að fólkið þyrfti að greiða þrifagjald ef konan myndi selja upp í bílnum. Bar vitnum saman um við þessi orð hefði maðurinn ráðist á leigubílsstjórann. Hann neitaði hins vegar sök en sagði mögulegt að hann hefði klóra konuna óvart.

Dómurinn komst hins vegar að því að maðurinn hefði ráðist á leigubílsstjórann en þar sem hann hafði aldrei áður komist í kast við lögin þótti sekt hæfileg refsing.