Þrír menn úrskurðaðir í farbann vegna nauðgunarmáls

Þrír menn voru úrskurðaðir í farbann til 17. desember næstkomandi að beiðni lögreglustjórans á Selfossi vegna rannsókn nauðgunarmálsins. Sakborningar voru leiddir fyrir dómara síðdegis í dag þar sem þeir gáfu skýrslu.

Þá var að auki eitt vitni látið staðfesta skýrslu fyrir dómi. Fram kemur í frétt lögreglunnar á Selfossi að eitt vitni hafi verið yfirheyrt vegna málsins í dag. Lögreglan mun nú fara yfir göng málsins og meta stöðu þess og ákveða um framhald rannsóknarinnar.

Upphaflega voru þrír menn handteknir grunaðir um nauðgun í heimahúsi á Selfossi aðfaranótt síðastliðins laugardags. Mennirnir eru allir pólskir. Einn var látinn laus í gær og liggur hann ekki undir grun. Þá var annar maður handtekinn í fyrradag grunaður um tilraun til nauðgunar.