Bráðabirgðatölur Hagstofu Íslands sýna að vöruskiptahalli í október reyndist 6,5 milljarðar sem er um tveimur og hálfum milljarði króna minni halli en í fyrra.
Í Hagvísum Hagstofunnar kemur fram að vörur hafi verið fluttar út fyrir rúma 28 milljarða en inn fyrir 35 milljarða í síðasta mánuði. Þegar horft er til fyrstu tíu mánaða ársins út frá þessum bráðabirgðatölum er viðskiptahallinn um 84 milljarðar en hann var um 120 milljarðar á sama tíma í fyrra.
