Norðurlöndin úr NATO

Norðurlöndin sem aðild eiga að NATO ættu að segja sig sameiginlega úr NATO. Nýtt NATO vinnur að mestu að hernaðarlegum verkefnum í fjarlægum löndum, sem eru verkefni sem fyrst og fremst gagnast hernaðarlegum hagsmunum Bandaríkjanna. Þetta sagði Steingrímur Sigfússon, formadur Vinstri hreyfingarinnar græns frambods, í umræðum með forsætisráðherrum Nordurlandanna á þingi Norðurlandaráðs í Ósló i gær.

Hann sagði að ef Ísland, Danmörk og Noregur segja sig úr NATO yrðu til nýir möguleikar í öryggismálum Norðurlandanna. Þau gætu sammælst um að verða óháð, myndað kjarnorkulaust svæði, stuðlað að þróun öryggis- og umhverfisstefnu Evrópu og verið í fararbroddi í heiminum. Steingrímur lagði á það áherslu að Norðurlöndin hefðu notið, og njóti enn, mikils trausts á alþjóðavettvangi. Löndin gætu ekki lifað að eilífu á góðu nafni og umtali og gömlum tölum um jafnrétti í velferðarkerfinu, þar sem misréttið ykist stöðugt.

Hann minnti einnig á það að norræn umhverfisstefna væri ekki einvörðungu jákvæð og átti hann þar við kjarnorkuverin í Finnlandi og umdeilda stóriðju á Íslandi.