Nýr framkvæmdastjóri Bændasamtakanna

Eiríkur Blöndal hefur verið ráðinn framkvæmdstjóri Bændasamtaka Íslands frá og með áramótum. Hann tekur við starfinu af Sigurgeir Þorgeirssyni sem nýverið var skipaður ráðuneytisstjóri í sameinuðu sjávarútvegs- og landbúnaðarráðuneyti.

Eftir því sem fram kemur í tilkynningu frá Bændasamtökunum hefur Eiríkur hefur gegnt starfi framkvæmdastjóra Búnaðarsamtaka Vesturlands frá árinu 2001.

Hann lauk verkfræðinámi frá Landbúnaðarháskólanum í Ási árið 1996 en búfræðinámi lauk hann í Noregi árið 1991. Eftir nám kenndi Eiríkur við búnaðarskóla í Osló en réðist síðan til Rannsóknastofnunar landbúnaðarins árið 1997.