Þjóðverjar vita lítið um Ísland

Þekking Þjóðverja á Íslandi er takmörkuð ef marka má könnun sem flugfélagið Iceland Express lét gera í Þýskalandi fyrir skemmstu. Nærri helmingur aðspurðra töldu að Íslendingar væru á bilinu 900 þúsund til 1,5 milljón.

Frá þessu er greint í þýska dagblaðinu Kölner Stadt Anzeiger. Töldu 66 prósent að meðalhiti í Reykjavík á veturna væri mun minni en raun ber vitni. Giskuðu flestir á að hann væri mínus fimm gráður en hann liggur í kringum plús fimm gráður. Þá töldu flestir að á Íslandi mætti finna nyrstu svæði Evrópu. Þau svæði má hins vegar finna í Norður-Noregi.

Um 94 prósent þeirra sem tóku þátt í könnuninni höfðu ekki komið til Íslands.