Vestmannaeyjabær með hæst opinber gjöld í Eyjum

Vestmannaeyjabær greiðir hæst opinber gjöld af lögaðilum í Vestmannaeyjum samkvæmt tölum skattstjórans þar á bæ. Bærinn greiðir tæpar 74 milljónir króna í opinber gjöld í ár en skammt á eftir bænum koma Vinnslustöðin og Ísfélag Vestmannaeyja með 71 og 69 milljónir króna í opinber gjöld.

Alls nemur álagningin í Eyjum um 513 milljónum króna, en þar af nemur tryggingagjald 434 milljónum króna. Hæstu greiðendur tekjuskatts í Eyjum er útgerðarfélagið Ós með 14 milljónir króna og Eyjaís, Dala-Rafn og Kuti koma þar á eftir með á bilinu 8-9 milljónir króna í tekjuskatt.