Húðsjúkdómadeild án sérfræðings

Ný göngudeild húðsjúkdóma hefur verið opnuð á Sjúkrahúsi Akureyrar. Enginn húðsjúkdómasérfræðingur er þó starfandi við sjúkrahúsið eins og er.

Þeir sem kenna sér húðmeina á Eyjafjarðarsvæðinu og í nágrenni hafa hingað til orðið að leita sér bráðameðferðar á endurhæfingarstöðinni Bjargi en nú hefur verið opnuð ný húðsjúkdómadeild í suðurálmu Sjúkrahússins á Akureyri.

Talið er að um 9000 Íslendingar séu með psoriasis á Íslandi og mun nýja deildin gagnast vel þeim hundruðum sjúklinga sem búa á Norðurlandi.

Enginn húðsjúkdómasérfræðingur er þó sem stendur starfandi á Akureyri og þarf að bæta úr því segir lækningaforstjóri.