Svipt ökuréttindum fyrir að aka undir áhrifum lyfja

Konu var í Héraðsdómi Norðurlands eystra í dag gert að greiða 60 krónur í sekt auk þess að vera svipt ökuréttindum í þrjá mánuði fyrir akstur undir áhrifum lyfja.

Konan var ákærð fyrir að hafa ekið tvisvar undir áhrifum lyfja. Í fyrra skiptið í febrúar og það seinna í mars. Konan var sýknuð af fyrri ákærunni þar sem ekki þótti liggja fyrir að lyfin sem hún tók hefðu haft áhrif á hæfni hennar til að aka bíl. Konan játaði sekt í seinna tilvikinu.

Ennfremur var henni gert að greiða 171 þúsund krónur í sakarkostnað.