Setur skilyrði fyrir samruna á fóðurvörumarkaði

Samkeppniseftirlitið hefur sett nokkur skilyrði fyrir samruna Fóðurblöndunnar og KHB-Miðbæjar sem varð að veruleika í sumar.

Fóðurblandan keypti þá viðskiptavild, vörulager og lausafé af KHB-Miðbæ og fór Samkeppniseftirlitið yfir samrunann til þess að ganga úr skuggga um hvort hann hindraði samkeppni. Er það niðurstaða eftirlitsins að ef ekkert verði að gert geti samrunnin takmarkað samkeppni og einnig möguleika nýrra aðila til þess að koma inn á fóður- og áburðarmarkað.

Samkeppniseftirlitið setur meðal annars þau skilyrði að óheimilt verði að gera það að skilyrði fyrir kaupum á fóðurvörum að kaupendur fóðurs kaupi jafnframt áburð og öfugt og að verð á fóðurvörum og áburði skuli aðgreint ef vörurnar eru keyptar saman.