Lítið fannst af rækju í haustkönnun Hafró

Lítið magn fannst af rækju í haustkönnun Hafrannsóknarstofnunar á rækjumiðjum á Vestfjörðum og á fjörðum og flóum norðanlands. Þá benda fyrstu niðurstöður til þess að 2007 árgangur þorsks sé slakur.

Fram kemur í niðurstöðum könnunar Hafró að vegna of lítils rækjumagns og fjölda ungfisks, aðallega ýsu, í flestum fjörðum voru hvergi lagðar til rækjuveiðar. Dálítill bati virtist vera á rækjustofninum í Ísafjarðardjúpi og einnig virðist rækjustofninn í Arnarfirðir hafa náð sér aðeins á strik.

Minna var af eins árs þorski og eldri á öllum svæðum en verið hefur síðustu vetur. Hins vegar fannst mikið af ýsu, eins árs og eldri. Fyrstu merki um 2007 árgang ýsu benda til þess að sá árgangur sé talsvert yfir meðaltali á grunnslóð.