Stóri nagladekkjadagurinn í dag

Stóri nagladekkjadagurinn er á höfuðborgarsvæðinu í dag, eftir að fólk vaknaði í fyrsta sinn við alhvíta jörð á þessu svæði í haust.

Sumstaðar höfðu myndast biðraðir við dekkjaverkstæðin áður en þau voru opnuð í morgun og síðan hefur verið látlaus straumur viðskiptavina. Bætt hefur verið við mannskap á verkstæðunum eftir föngum en miðað við veðurspá má reikna miklu álagi fram eftir vikunni þótt ef til vill verði frostlaust síðdegis á morgun.

Þjónsutan við að skipta yfir á vetrardekk hefur hækkað um 6 til níu prósent frá því í fyrrahaust sem er álíka og á milli ára að undanförnu. Talsverður munur getur verið á verði, samkvæmt verðkönnun á heimasíðu ASÍ.