Ætlar að rífa öll útvarpstæki úr rútunum sínum

Eigandi rútufyrirtækis segist ætla rífa öll útvarpstæki úr bifreiðum sínum fari svo að Ríkissútvarpið rukki afnotagjöld af hverju tæki. Héraðsdómur Reykjaness felldi í morgun dóm þessa efnis að Ríkisútvarpinu sé heimilt að rukka afnotagjöld af útvarpstækjum í bifreiðum sem notaðar eru í atvinnuskyni.

Þeir eigendur og framkvæmdastjórar rútufyrirtækja sem Vísir setti sig í samband við sögðust vera óhressir með niðurstöðu héraðsdóms. Einn sagðist ætla rífa öll útvarpstæki úr sínum bifreiðum fari svo að Ríkisútvarpið rukki afnotagjöld af hverju tæki.

Rútufyrirtækið Hópbílar í Hafnarfirði höfðaði mál á hendur Ríkisútvarpinu eftir að stofnunin hóf í fyrra að innheimta afnotagjald vegna útvarpa í 18 bílum. Fram að þeim tíma hafði Ríkisútvarpið aðeins rukkað fyrirtækið um eitt útvarp. Eigandi Hópbíla taldi þetta hins vegar þetta bryti í bága við jafnræðisreglu stjórnsýslulaga.

Eigandi Hópbíla kaus að tjá sig ekki um málið þegar Vísir setti sig í samband við hann.