Segir viðsnúning bæjarstjóra óskiljanlegan

Viðsnúningur bæjarstjórans í Reykjanesbæ varðandi málefni Hitaveitu Suðurnesja er algjörlega óskiljanlegur segir Guðbrandur Einarsson, bæjarfulltrúi A-listans. Hann segir Reykjanesbæ eigi að taka höndum saman með Hafnarfjarðarbæ og nýta sér kauprétt sinn á hlut Orkuveitu Reykjavíkur í hitaveitunni.

Guðbrandur hefur gagnrýnt Árna Sigfússon, bæjarstjóra í Reykjanesbæ, harðlega fyrir að taka ekki af skarið og nýta kauprétt Hitaveitu suðurnesja á hlut Orkuveitu Reykjavíkur í hitaveitunni. Hann segir málflutning bæjarstjórans óskiljanlegan.

Mikill kurr hefur verið í fólki í bæjarfélaginu vegna málsins og segist Guðbrandur ekki hafa farið varhluta af því.