Vörubílar rákust saman á Suðurlandsvegi

Þrjú umferðaróhöpp hafa orðið í Suðurlandsvegi í morgun. Fyrir stundu rákust tveir vörubílar saman skammt vestan við Þrengslavegamót en engan sakaði í óhappinu að sögn lögreglunni á Selfossi.

Þá fóru tveir fólksbílar út af Suðurlandsvegi í hálkunni þar á áttunda tímanum í morgun en þar slasaðist heldur enginn. Saltbílar hafa verið á ferðinni á Suðurlandsvegi í morgun til þess að reyna að eyða hálku á veginum.

Hálka og snjóþekja er víða á heiðum í öllum landsfjórðungum, þar á meðal á Holtavörðuheiði, Bröttubrekku og á Öxnadalsheiði en þar er einnig snjókoma. Snjóþekja og éljagangur er einnig víða á Vestfjörðum.