Stærra skref en margir gera sér grein fyrir

Tillaga biskups Íslands um staðfesta samvist var samþykkt á Kirkjuþingi í morgun. Hún gerir ráð fyrir að ef lögum um staðfesta samvist verður breytt þannig að trúfélög fái heimild til að staðfesta samvist þá styðji Kirkjuþing að prestum Þjóðkirkjunnar, sem eru vígslumenn að lögum, verði það heimilt. Kirkjuþing leggur áherslu á að frelsi presta í þessum efnum verði virt.

Aðspurður um niðurstöðuna segir Ólafur að þetta hafi verið samhljóða niðurstaða Kirkjuþingsins og um sé að ræða tillögu sem flestir hafi verið sáttir við. Ákvörðunin hafi verið tekin eftir mikla umræðu.

Aðspurður um það hvort hann telji líklegt að margir prestar muni neita að staðfesta samvist samkynhneigð segir Ólafur að reynslan muni leiða í ljós hvort svo verði. Enn eigi eftir að breyta lögum um staðfesta samvist. Aðspurður hvort hann muni staðfesta samvist samkynhneigðra segir Ólafur að hann muni ekki gefa neina opinbera yfirlýsingu um það.

Ólafur segir að samþykkt Kirkjuþing sé stærri en margir geri sér grein fyrir. „Þjóðkirkjan er ein af fyrstu kirkjunum sem gera þetta og engin kirkja að mér vitandi hefur gengið lengra en þetta," segir Ólafur.