Hæstiréttur hafnar kröfu Ásatrúarfélagsins um sóknargjöld

Vísaði Ásatrúarfélagið til framlaga úr ríkissjóði er rynnu annars vegar í jöfnunarsjóð sókna og hins vegar í kirkjumálasjóð. Hæstiréttur komst hins vegar að því að þjóðkirkjunni væru falin lögbundin verkefni, meðal annars með ákvæðum laga um stöðu, stjórn og starfshætti þjóðkirkjunnar og þeirrar staðreyndar að starfsmenn þjóðkirkjunnar væru opinberir starfsmenn með réttindi og skyldur sem slíkir gagnvart öllum almenningi.

Ásatrúarfélagið væri hins vegar skráð trúfélag samkvæmt lögum um skráð trúfélög og í þeim væru engin sambærileg ákvæði sem kvæðu á um starfsemi og réttindi og skyldur starfsmanna þeirra. Var því íslenska ríkið sýknað af kröfu Ásatrúarfélagsins um jafnar greiðslur úr ríkissjóði til félagsins og þjóðkirkjunnar.