Níu kærðir fyrir stuld á heitu vatni

Alls hafa níu kærur nú borist til lögreglunnar á Selfossi vegan stulds á heitu vatni í sumarhúsum í Grímsnesi og Bláskógabyggð. Orkuveita Reykjavíkur hefur kært átta sumarbússtaðaeigendur í Grímsnesi og einn í Bláskógabyggð.

Að sögn rannsóknarlögreglunnar á Selfossi er um tvennskonar aðferðir að ræða við heitavatnsstuldinn. Annarsvegar er innsigli rofið á mælingarhemli og hinsvegar er einfaldlega tengt framhjá mælinum.

Samkvæmt gjaldskrá OR borga sumarbústaðaeigendur 47.000 kr,. á ári fyrir magn sem nemur þremur lítrum á minutu. Hver umframlítri eftir það kostar 10.000 kr. á ári.

Við rannsókn lögreglunnar hefur komið fram að hver hinna níu sem kærðir hafa verið tóku ótakmarkað magn framhjá mælunum.

Þetta er ekki í fyrsta sinn sem lögreglunni á Selfossi berst kæra um stuld á heitu vatni í ár. Í vor kom upp eitt tilvik í Þorlákshöfn þar sem húseigandi hafði tengt framhjá mælinum á heimili sínu.