Einsemd og einangrun eykst

Innflytjendur hér á landi eru gjarnan illa settir félagslega. Þetta á sérstaklega við um eiginkonur farandverkamanna sem hafa enga tengingu við íslenskt samfélag. Rauði kross Íslands stendur nú fyrir átaki til að fá fólk til sjálfboðavinnu við ýmis verkefni á vegum samtakanna, meðal annars til að aðstoða þennan hóp.

Sólveig Ólafsdóttir upplýsingafulltrúi segir einsemd og einangrun hafa aukist hér á landi. Verkefnið Heimsóknarvinir miði að því að hjálpa þeim sem séu viðkvæmir fyrir einangrun. Sem dæmi séu það helst aldraðir, innflytjendur, langveik börn og fólk með geðraskanir.

Sólveig Ólafsdóttir upplýsingafulltrúi segir einsemd og einangrun hafa aukist hér á landi. Verkefnið miði að því að hjálpa þeim sem séu viðkvæmir fyrir einangrun. Sem dæmi séu það helst aldraðir, innflytjendur, langveik börn og fólk með geðraskanir.

Mikill misbrestur sé á að fólk sé meðvitað um þessa þjónustu og er áhersla lögð á að kynna hana fyrir almenningi. Nú eru um 300 manns á lista samtakanna sem þiggja hjálp Heimilisvina og jafnmargir sjálfboðaliðar sem vinna við það.

Meirihluti landsmanna telur að flest verkefni samtakanna séu á alþjóðavettvangi samkvæmt könnun sem Rauði krossinn á Íslandi gerði. Hið rétta er að 70 prósent verkefnanna eru innanlands.

Stærstu verkefnin eru Heimsóknarvinir, athvörf fyrir geðfatlaða í stærstu byggðarkjörnum landsins, Konukotið í Reykjavík fyrir heimilislausar konur auk fataverkefna innanlands og utan. Þá stendur Rauði krossinn fyrir stuðningsfjölskyldum fyrir flóttamenn en þær hjálpa til við að aðlagast íslensku samfélagi. Til dæmis eru nú sex fjölskyldur fyrir hverja eina kólumbíska flóttafjölskyldu sem kom til landsins í síðustu viku.

Þáer sérstakt verkefni í gangi á vegum samtakanna og Allra heimsins kvenna, sem er félagsskapur íslenskra kvenna sem aðstoða konur af erlendum uppruna. Verkefnið gengur út á að hjálpa þeim erlendu konum sem hér búa við að nýt þá þekkingu sem þær búa yfir til að komast á atvinnumarkað og út í samfélagið.

Þá er hjálparsíminn 1717 einnig eitt verkefna Rauða krossins.