Árni tók við verðlaunum í Lávarðadeildinni

Árni Finnsson, formaður Náttúruverndarsamtaka Íslands, hlaut í dag Animal Action verðlaunin sem Alþjóðlegu dýraverndunarsamtökin (IFAW) veita árlega. Árni veitti verðlaununum viðtöku í Lávarðadeild enska þingsins í London.

Robbie Marsland, formaður IFAW, sagði að starf Árna Finnssonar væri í hæsta gæðaflokki og nefndi hann sérstaklega framlag Árna til friðunnar hvala við Íslandsstrendur.

"Vonandi verður þessi viðurkenning til þess að fleiri Íslendingar helgi sig friðun dýra," sagði Marsland.