Uppsagnir á Reykjalundi, störf boðin út

Sjö starfsmönnum á Reykjalundi hefur verið sagt upp störfum, þar á meðal þremur vaktmönnum auk starfsfólks í þvottahúsi og við símavörslu. Jón Benediktson framkvæmdastjóri Reykjalundar segir að um sparnað og hagræðingu sé að ræða í rekstrinum.

Fram kemur í máli Jóns að í stað vaktmannanna sem gengið hafa kvöld- og næturvaktir muni sú vinna verða boðin út. "Við höfum leitað til öryggisgæslufyrirtækja og boðið þeim að senda inn tilboð í þessa vinnu," segir Jón.

Og hvað starfsfólk á þvottahúsinu varðar segir Jón að óhreint tau hafi verið sent annað til þvotta að hluta til en nú sé ætlunin sé að gera slíkt í meira mæli. Samhliða þessu verður dregið úr símavörslu á Reykjalundi og var einni manneskju í 80% starfi sagt upp sökum þess.