Samfylkingin kastar út Græna netinu

Samtökin Græna netið hafa verið stofnuð. Um er að ræða samtök umhverfis- og náttúruverndarmanna í tengslum við Samfylkinguna. Fullt heiti samtakanna er Græna netið - félag jafnaðarmanna um náttúruna, umhverfið og framtíðina. Í tilkynningu segir að Græna netinu sé ætlað að vera „vettvangur umræðna og stefnumótunar og að veita forystumönnum flokksins í þessum málaflokkum samráð, hvatningu og aðhald."

Mörður Árnason, fyrrverandi þingmaður Samfylkingarinnar var kjörinn formaður Græna netsins og með honum í stjórn sitja þau Dofri Hermannsson, Helga Rakel Guðrúnardóttir, Sigurður Ásbjörnsson og Katrín Theodórsdóttir. Varamenn eru þær Ragnhildur Sigurðardóttir og Sigrún Pálsdóttir.

Á stofnfundi samtakanna var samþykkt ályktun. Þar er umhverfisáherslum í stjórnarsáttmála ríkisstjórnarinnar fagnað auk þess sem stjórnin er hvött til að afstýra áformum Landsvirkjunar um miðlunarvirkjanir í „neðri hluta Þjórsár og gefa skýrt til kynna að engar eignarnámsheimildir verði veittar í því skyni. Þá skorar fundurinn á stjórnvöld að meta umhverfisleg, hagræn og samfélagsleg áhrif af fyrirhuguðu álveri í Helguvík og tengdum framkvæmdum með heildstæðum hætti, og beinir því til nýs meirihluta í Reykjavík að sjónarmið náttúru- og umherfisverndar komi ríkulega við sögu við endurskoðun á stefnu Orkuveitunnar."

Ályktun stofnfundarins má lesa hér fyrir neðan.