Fyrirtaka í máli Harðar Torfa

Í Héraðsdómi Reykjavíkur í dag verður tekið fyrir skaðabótamál sem söngvaskáldið Hörður Torfason hefur höfðað gegn Þjóðleikhúsinu. Vísir hefur áður greint frá málinu en það snýst um meinta vanefndir Þjóðleikhússins á munnlegum samning sem það gerði við Hörð í fyrra.

Eins og fram hefur komið á Vísi er forsaga málsins sú að í fyrra hafði Örn Árnason leikari umsjón með skemmtidagskrá í Þjóðleikhúskjallaranum en staðurinn var þá rekinn af Þjóðleikhúsinu. Hörður Torfason var einn þeirra skemmtikrafta sem Örn hafði samband við og fékk til að koma fram í dagskránni.

Í samtali við Vísi í september sagði Tinna Gunnlaugsdóttir Þjóðleikhússtjóri að krafa Harðar væri byggð á misskilningi en sjálfur vill Hörður ekki tjá sig um málið.