Guðfinna vildi ekki vara við sköpunarhyggju

Á fundi Evrópuráðs þingmanna í síðustu viku greiddi Guðfinna Bjarnadóttir, þingmaður Sjálfstæðisflokksins, atkvæði gegn ályktun sem varaði við því að sköpunarsagan, eins og hún birtist í biblíunni, væri kennd sem vísindaleg staðreynd.

Í nokkrum fylkjum Bandaríkjunum hefur svokölluð sköpunarhyggja (Creationism) verið kennd samhliða þróunarkenningunni undanfarin ár. Ályktun sem varaði við því að þetta yrði gert í Evrópu var samþykkt á þinginu með nokkrum meirihluta en Guðfinna greiddi atkvæði gegn því.

Guðfinna segir að með atkvæði sínu hafi hún ekki verið að lýsa stuðningi við því að sköpunarsagan yrði kennd sem vísindaleg staðreynd hér á landi.

Hún segir að hún hafi frekar verið að lýsa andstöðu sinni við að Evrópuráð þingmanna væri að hlutast til um námsefni aðildarlanda sinna.

"Slík umræða á frekar að fara fram á vettvangi menntamálayfirvalda í hverju landi fyrir sig," sagði Guðfinna í erindi sem hún flutti á þinginu.