Dísillítrinn dýrastur á Íslandi

Olíuframleiðsluríkið Noregur er með dýrsta bensínið í Evrópu en Íslendingar njóta þess vafasama heiðurs að greiða mest fyrir dísilolíuna á bílinn.

Þetta kemur fram á vef Félags íslenskra bifreiðaeigenda. Þar er vísað í könnun sem systurfélag FÍB á Írlandi gerði og nær hún yfir sjálfsafgreiðsluverð á bensíni og dísilolíu.

Norðmenn borga nærri 138 krónur fyrir bensínlítrann er þar á eftir koma Hollendingar sem borga 129 krónur. Íslendingar eru í þriðja sæti yfir þær Evrópuþjóðir sem borga mest fyrir bensínlítrann eða 127 krónur rúmar.

Sem fyrr segir er dísilolían dýrust á Íslandi en Íslendingar greiða 126 krónur fyrir lítrann af slíkri olíu. Það er þremur krónum meira en Norðmenn og fjórum krónum meira en Bretar sem koma á eftir Íslendingum á listanum.

Til samanburðar greiða Bandaríkjamenn rúmar 47 krónur fyrir bensínlítrann og 50 krónur fyrir dísillítrann