Lítið atvinnuleysi í landinu í ágúst

Atvinnuleysi á landinu öllu mældist 0,9 prósent í nýliðnum ágústmánuði samkvæmt tölum Vinnumálastofnunar. Þetta jafngildir því að 1.476 manns hafi verið án atvinnu í mánuðinum að meðaltali. Fleiri konur voru án atvinnu en karlar í síðasta mánuði.

Fram kemur í tölum Vinnumálastofnunar að atvinnuleysi í ágúst hafi hafi verið mest á Suðurnesjum þar sem það mældist 1,8 prósent. Næstmest mældist það á Norðurlandi eystra 1,5 prósent. Minnst var atvinnuleysi á Austurlandi eða 0,2 prósent. Á höfuðborgarsvæðinu mældist atvinnuleysi 0,8 prósent í síðasta mánuði.

Fleiri konur voru án atvinnu en karlar samkvæmt Vinnumálastofnun. Í ágúst mældist atvinnuleysi meðal kvenna 1,2 prósent en hjá körlum 0,6 prósent. Fjöldi þeirra sem hafa verið á atvinnuleysisskrá í innan við 3 mánuði minnkaði úr 823 í júlí í 709 í ágúst. Þeim sem hafa verið á skrá lengur en 6 mánuði fækkaði úr 599 í júlí í 557 í ágúst.

Þá kemur fram að um 13 prósent atvinnulausra í ágúst hafi verið ungt fólk á aldrinum 16 til 24 ára. Alls voru 168.245 manns á vinnumarkaði í ágústmánuði samkvæmt áætlun Efnhagsskrifstofu fjármálaráðuneytisins.

Talið er líklegt að atvinnuleysi í september muni minnka og verða á bilinu 0,8 til 1,1 prósen