Yfir 300 ökumenn teknir fyrir hraðakstur á Bústaðavegi

Alls eiga 322 ökumenn yfir höfði sér sekt vegna hraðaksturs á Bústaðavegi í gær og fyrradaga. Brot þeirra náðust á löggæslumyndavél á gatnamótum Bústaðavegar og Flugvallarvegar.

Fram kemur tilkynningu frá lögreglunni á höfuðborgarsvæðinu að hinir botlegu óku að jafnaði á liðlega 74 kílómetra hraða á klukkustund. Þá mældist 41 ökumaður á yfir 80 kílómetra hraða og tveir á yfir 90. Á Bústaðavegi er 60 kílómetra hámarkshraði en fylgst var með ökutækjum sem óku í vestur.

Þá segir ennfremur í tilkynningu lögreglunnar að meðalhraði hinna brotlegu sé öllu lægri en víð síðustu vöktun. Þá hafi meðalhraði verið 77 kílómetrar á klukkustund.