Ekki komið nægilega til móts við fólk í sjávarútvegi

Stjórnarandstaðan segir mótvægisaðgerðir ríkisstjórnarinnar við skerðingu þorskkvótans ekki koma nægilega til móts við sjómenn, fiskvinnslufólk og þau útgerðarfyrirtæki sem verði mest fyrir þorskskerðingunni. Sjávarútvegurinn standi jafn slyppur og snauður eftir aðgerðirnar.

Greint var frá því í gær að ríkisstjórnin hyggst verja 10 og hálfum milljarði króna í mótvægisaðgerðir vegna skerðingu þorskkvótans á næstu tveimur fiskveiðiárum. Um sex og hálfum milljarði króna verður varið á næstu þremur árum í ný verkefni til að styrkja atvinnulíf í landinu.

Jón Bjarnason þingmaður vinstri grænna segir sjávarútvegsgreinarnar verða útundan.

Guðjón Arnar Kristjánsson formaður Frjálslyndra segir að taka þurfi betur á málum þeirra sem verði verst úti við þorskaflaskerðingu.

Guðni Ágústsson formaður Framsóknarflokksins segir aðgerðirnar ekki í samræmi við það sem boðað hafi verið í vor. Aðgerðirnar leysi ekki vanda sjávarútvegsfyrirtækjanna og komi hvorki til móts við sjómenn og fiksvinnslufólk sem missi atvinnu og verði fyrir miklu tekjutapi. Þá undrast Guðni að ekkert samráð hafi verið haft við sveitarfélögin eða útgerðarfyrirtækin sem verði fyrir mesta áfallinu við skerðingu.