Frændi Bretadrottningar afhjúpar minnisvarða

Forseti Íslands, Ólafur Ragnar Grímsson, var meðal viðstaddra en Hertoginn af Kent, Edvard prins, er verndari konunglega breska flughersins. Arngrímur Jóhannsson og Flugmálafélag Íslands beittu sér fyrir gerð minnisvarðans en áður hafði Arngrímur staðið fyrir uppsetningu minnisvarða á Selfossi um breska flugmenn sem höfðu bækistöð á Kaldaðarnesi. Við athöfnina í Fossvogi nú síðdegis mátti sjá aldna flughetju úr seinni heimstyrjöldinni sem og yfirmenn í breska flughernum en einnig utanríkisráðherra, dómsmálaráðherra og borgarstjórann. Hertoginn af Kent rakti það hlutverk sem flugherir bandamanna gegndu í vörnum Íslands á stríðsárunum og hvaða þýðingu bækistöðvar þeirra á Íslandi höfðu í baráttunni gegn kafbátahernaði Þjóðverja, sem hann sagði að hefði verið það eina sem Winston Churhill óttaðist. Hann afhjúpaði því næst minnisvarðann en að því búnu flutti Jón Baldvinsson biskup á Hólum minningarorð. Að lokum ávarpaði forseta Íslands athöfnina en að henni lokinni gengi forsetinn og hertoginn um kirkjugarðinn að leiðum breskra hermanna sem létu lífið hérlendis á styrjaldarárunum.