Innlent

Skjalda setti framleiðslumet

Óli Tynes skrifar
Fólki hefur fjölgað hratt á Íslandi undanfarin misseri, einkum með erlendu vinnuafli sem hefur streymt til landsins. Fyrir einu og hálfu ári var fyrirsjáanlegt að skortur yrði á mjólk og mjólkurvörum. Stjórnvöld biðluðu þá til bænda að auka framleiðsluna. Bændur brugðust svo vel við að það vara sett framleiðslumet, 125 milljónir lítra.

Baldur Benjamínsson, framkvæmdastjóri Landssambands kúabænda sagði í samtali við fréttastofuna að bændum hefði tekist að auka framleiðsluna um tíu prósent á þessum skamma tíma.

Baldur sagði að þessi framleiðsluaukning væri komin til þess að vera og rúmlega það. Ef fólksfjölgun yrði jafn hröð áfram og hún hefur verið undanfarin misseri þyrfti að auka hana enn. Það væri auðvitað besta mál fyrir bændur.

Mest lesið


Fleiri fréttir

Sjá meira


×

Mest lesið