Hátt í 8.000 Pólverjar fá kennitölu á einu ári

Samkvæmt upplýsingum frá Þjóðskrá fengu tæplega 15.000 útlendingar úthlutað kennitölu á tímabilinu frá 1. ágúst í fyrra og til 31. júlí í ár. Af þessum fjölda eru 7.665 Pólverjar. Næstflestir eru Lithár eða 994, Þjóðverjar eru 594 og Lettar eru 520 svo dæmi séu tekin.

Þessar upplýsingar er að finna á nýútkomnu vefriti dómsmálaráðuneytisins. Þar kemur m.a. fram að af heildarfjöldanum voru karlar rétt rúmlega 10.000 talsins, konur rétt rúmlega 4.000 talsins og börn undir 17 ára aldri tæplega 800 talsins. Flestir þessara einstaklinga eða rúmlega 7000 búa á höfuðborgarsvæðinu en næst kemur Austurland þar sem 1.700 eru búsettir.

Af þeim sem fengu kennitölu á fyrrgreindu tímabili hafa 4.700 síðan fengið skráð lögheimili hér á landi eða um 34% af heildinni.