Samgöngumiðstöð drifin áfram

Það var í ársbyrjun 2005 sem þáverandi samgönguráðherra og borgarstjóri náðu samkomulagi um samgöngumiðstöð á Reykjavíkurflugvelli. Tekið var fram að bygging hennar væri óháð ákvörðun um framtíð vallarins enda væri samgöngumiðstöð ekki aðeins ætlað að þjóna flugstarfsemi heldur einnig rútubílum, bílaleigum og strætisvögnum. Flugstoðum var falið að undirbúa verkið og hefur verkefnisstjórn á hennar vegum undir formennsku Ólafs Sveinssonar hagverkfræðings nú brett upp ermar. Í blaðaauglýsingu í dag er auglýst eftir aðilum sem áhuga hafa á húsnæði í samgöngumiðstöðinni. Gert sé ráð fyrir að þeir sem koma að farþegaflutningum geti leigt sérstaka aðstöðu í fyrirhugaðri byggingu en auk þess verði húsnæði fyrir ýmiss konar ferðatengda verslun og þjónustu. Áhugasamir eiga að hafa samband fyrir 24. september næstkomandi. Þorgeir Pálsson, forstjóri Flugstoða, segir auglýsinguna lið í forkönnun til að meta bæði þær þarfir sem byggingin þurfi að uppfylla sem og fjárhagslega grundvöll verkefnsins, sem unnið verður sem einkaframkvæmd. Vonast hann til að framkvæmdir geti hefjist næsta vor.

Það er til marks um hve rösklega er unnið að undirbúningi málsins að verkefnisstjórn hefur sett sér það markmið að samgöngumiðstöðin verði tilbúin til notkunar þann 30. apríl 2009, eftir aðeins tuttugu mánuði.