Verið að ganga frá skráningu starfsmanna Hunnebeck

Verið er að ganga frá því að skrá tæplega fjörutíu starfsmenn pólska fyrirtækisins Hunnebeck, sem starfsmenn Arnarfells. Starfssemi fyrirtækisins verður því ekki stöðvuð í hádeginu eins og útlit var fyrir.

Að sögn Gissurar Péturssonar, forstöðumanns Vinnumálastofnunar, er skráningin með réttmætum og fullnægjandi hætti. Eftir standi hins vegar að kanna laun starfsmanna fyrirtækisins til þessa og sjá hvort þar hafi pottur verið bortinn.

Samráðsnefnd landssambanda innan Alþýðusambandsins, sem aðild eiga að virkjanasamningi, telur óhjákvæmilegt að að pólska fyrirtækið verði kært vegna ólögmætrar starfssemi hér á landi. Fyrirtækið er undirverktaki hjá Arnarfelli við Hraunveitu Kárahnjúkavirkjunar en samráðsnefndin segir að félagið sé óskráð og ólöglegt hér á landi. Auk þess bendi margt til þess að starfsmönnunum hafi ekki verið greidd laun eins og þeim beri síðan í júní að minnsta koksti.