Haraldur ráðinn ritstjóri hjá Viðskiptablaðinu

Haraldur Johannessen, fyrrverandi aðstoðarmaður umhverfisráðherra, hefur verið ráðinn ritstjóri Viðskiptablaðsins við hlið Jónasar Haraldssonar.

Fram kemur á vef Viðskiptablaðsins að Haraldur sé hagfræðingur frá Háskóla Íslands og hafi starfað sem sérfræðingur í greiningardeild Landsbanka Íslands frá árinu 2006. Hann var aðstoðarmaður Sigríðar Önnu Þórðardóttur umhverfisráðherra á árunum 2004 til 2006. Haraldur er ekki ókunnur blaðamennsku því hann starfaði á viðskiptablaði Morgunblaðsins á árunum 2000 til 2004. Haraldur hefur störf 15. september næstkomandi.