Hæstiréttur staðfestir frávísun vegna netbankasvindls

Hæstiréttur Íslands staðfesti í dag frávísun Héraðsdóms Norðurlands eystra í máli gegn fjórum mönnum sem var gert að sök að hafa með sviksamlegum hætti hagnast á kerfisvillu í netbanka. Mennirnir högnuðust um tugir milljónir króna á villunni.

Það var saksóknari efnhagsbrotadeildar ríkislögreglustjóra sem gaf út ákæru í málinu. Samkvæmt dómi Héraðsdóms Norðurlands eystra var málinu vísað frá þar sem saksóknari efnahagsbrotadeildar þótti ekki hafa lagaheimild til að ákæra í málinu. Þetta staðfesti síðan Hæstiréttur í dag.

Mennirnir voru sakaðir um að hafa nýtt sér kerfisvillu í gjaldeyrisviðskiptakerfi í Netbanka Glitnis en vegna mistaka við forritun víxluðust kaup- og sölugengi á gjaldeyri. Mennirnir keyptu dollara fyrir evrur og seldu síðan strax aftur fyrir evrur. Með mörg hundruð færslum högnuðust þeir um tugir milljónir króna.