Ölvaðir ökumenn í Borgarfirði

Ökumaður var tekinn undir áhrifum áfengis, seinnipartinn í gær, sunnan við Borgarnes. Maðurinn sinnti ekki stöðvunarmerkjum lögreglu og var honum veitt eftirför skamma stund. Skapaði það verulega hættu að sögn lögreglu.

Maðurinn var handtekinn og gisti hann fangageymslur lögreglunnar í Borgarnesi en hann var mjög ölvaður að hennar sögn.

Annar ökumaður var handtekinn í nótt en hann hafði misst bifreið sína út af veginum við Borgarnes og var hann ölvaður að sögn lögreglu.

Ökumaur var tekinn grunaður um neyslu á vímuefnum á Blönduósi en kvartað hafði verið  undan aksturslagi mannsins í Langadal. Könnun lögreglunnar á Blönduósi sýndi að maðurinn var undir áhrifum amfetamíns. Maðurinn viðurkenndi hins vegar ekki neyslu þess.