Innlent

Geir telur fráleitt að Sturla segi af sér

Sigríður Guðlaugsdóttir skrifar

Forsætisráðherra telur fráleitt að Sturla Böðvarsson segi af sér sem forseti Alþingis vegna Grímseyjarferjumálsins. Hann segir eftirliti með framkvæmdinni hafa verið ábótavant en sérhæfð stofnun ætti að sjá um skiparekstur ríkisins.

Geir H. Haarde forsætisráðherra sagði í hádegisviðtalinu á Stöð 2 í dag að Sturla Böðvarsson fyrrverandi samgönguráðherra hefði treyst Vegagerðinni í Grímseyjarferjumálinu og ekki gefið fyrirmæli sem leiddu til þeirrar stöðu sem uppi er nú. Sturla sem forseti Alþingis virti að ríkisendurskoðun væri undirstofnun ríkisins og vildi þess vegna ekki tjá sig of mikið um það sem frá henni kæmi.

Hann segir að þarna hafi orðið mistök sem læra þurfi af.

Geir segir að það sé svo aftur spurning hvort ferjumál eigi að vera á hendi Vegagerðarinnar, betra væri að hafa sérstaka stofnun um skiparekstur.

Og forsætisráðherra segir að ekki komi til greina að Sturla víkji úr embætti forseta Alþingis vegna málsins.

Mest lesið


Fleiri fréttir

Sjá meira


×

Mest lesið