Fóðurblandan má kaupa Kornhlöðuna

Samkeppniseftirlitið telur ekki ástæðu til þess aðhafast nokkuð vegna kaupa Fóðurblöndunnar á öllum hlutum Mjólkurfélags Reykjavíkur og Kornax ehf. í Kornhlöðunni.

Fram kemur á vef Samkeppniseftirlitsins að með samrunanum hafi eignartengsl milli Fóðurblöndunnar, Mjólkurfélagsins og Kornax rofnað í samræmi við skilyrði sem Samkeppniseftirlitið setti fyrir samruna Fóðurblöndunnar og Áburðarverksmiðjunnar ásamt öðrum á síðasta ári. Athugun Samkeppniseftirlitsins leiddi ekki í ljós nein atriði sem bentu til þess að samruninn myndi raska samkeppni.