Húsin standa auð

Svokölluð Búmannshús á Klaustri standa auð þar sem þau þykja of dýr. Húsin voru byggð fyrir eldri borgara á sínum tíma en eru nú til sölu. Búið var í húsunum í vetur en síðan þá hafa þau staðið auð. Algengt verð fyrir svipað húsnæði á Klaustri eru 4 til 5 milljónir en þessi hús eru meira en tvöfalt dýrari.

Meðað mikill uppgangur er hjá nágrannasveitarfélaginu Vík virðist allt standa í stað á Klaustri. Æ færri ferðamenn hafa viðkomu í bænum og kenna bæjarbúar sundlaugarleysi um. Gamla sundlaugin hefur ekki verið opin í meira en ár og sú nýja er enn ekki tilbúin þrátt fyrir loforð þar um. Rekstur fyrirtækja í ferðaþjónustu hefur því gengið verr en síðustu ár.

Að sögn staðarhaldara á Systrakaffi á Kirkjubæjarklaustri vonast fólk til að með nýju lauginni muni ferðamannastraumur að Klaustri aukast á nýjan leik.