Opin umræða á stjórnarheimilinu

Skoðanir Össurar Skarpéðinssonar, iðnaðarráðherra um Hafrannsóknarstofnun og fiskifræðina er jákvætt innlegg í umræðuna segir Karl V. Matthíasson, varaformaður Sjávarútvegsnefndar. Því fari fjarri að alvarlegur ágreiningur sé á stjórnarheimilinu og menn verða að venjast nýbreytni opinnar umræðu.

Það hefur vægast sagt verið óvenju mikil breidd í skoðunum þingmanna og ráðherra um kvótakerfið og um rannsóknir Hafró og veiðiráðgjöf. Mesta athygli vakti hörð gagrnýni Sturlu Böðvarssonar, forseta Alþingis og fyrverandi samgönguráðherra á kvótakerfið. Einar Oddur Kristjánsson alþingismaður hefur einnig haft uppi harða gagnrýni og vill hann meðal annars flytja rannsóknir Hafró í Háskólana. Össur Skarphéðinsson, iðanaðráðherra lagði svo orð í belg á bloggsíðu sinni í gær og taldi réttast að Hafró yrði flutt undan sjávarútvegsráðuneyti. Nefndi hann skaðann af pólitískum þrýstingi og sagði að "sovéskt kerf"i hefði verið búið til í kringum Hafró - þar sem þöggun væri beitt á andófsraddir. Vísaði hann á meðferð á málflutningi þeirra sem hafa verið ósammála meginniðurstöðum Hafró.

Arnbjörg Sveinsdóttir, Sjálfstæðisflokki - formaður sjávarútvegsnefndar undraðist þetta útspil Össurar þegar fréttastofa ræddi við hana í gær og taldi enga ástæðu til þess að flytja Hafró undan Sjávarútvegsráðuneytinu. Karl V. Matthíasson, varaformaður nefndarinnar og samflokksmaður Össurar fagnar hins vegar því að Össur hafi lagt þetta inn í opna umræðu um málið. Karl segir að Össur sé þekktur fyrir að hræra í pottinum en því fari víðs fjarri að þetta sé til marks um alvarlegan ágreining innan eða á milli stjórnarflokkana. Það komi mönnum ef til vil á óvart að opin umræði geti verið um einstök mál en aðalatriðið sé að menn festist ekki í farinu og líti ekki á einhverja skipan sem óbreytanlega.