Vitavörður verðlaunaður

Vitaverðinum Óskari J. Sigurðssyni verða á morgun veitt virt verðlaun sem kallast Hetjur umhverfisins. Það er úthafs- og loftslagsstofnun Bandaríkjanna sem stendur að verðlaununum sem afhent verða við hátíðlega athöfn í sendiráðsbústað Bandaríkjanna á Laufásvegi.

Ólafur hefur starfað sem vitavörður á Stórhöfða í Vestmannaeyjum í fimmtán ár og hafa störf hans gert stofnuninni kleift að framkvæma kolefnismælingar og aðrar loftmælingar á svæðinu nær sleitulaust í 15 ár. Verðlaunin Hetjur Umhverfisins voru fyrst veitt árið 1995 en verðlaunahafar eru tilnefndir af starfsmönnum stofnunarinnar sem eru um 12.500. Óskar er eini verðlaunahafinn sem ekki er af bandarísku þjóðerni og einungis níu aðrir einstaklingar hlutu þessa viðurkenningu í ár.