Margrét María nýr umboðsmaður barna

Forsætisráðherra hefur skipað Margréti Maríu Sigurðardóttur lögfræðing í embætti umboðsmanns barna til næstu fimm ára frá 1. júlí.

Margrét hefur verið framkvæmdastjóri Jafnréttisstofu frá 1. nóvember 2003 en starfaði þar áður sem lögfræðingur. Hún rak eigin lögmannsstofu um árabil auk þess sem hún starfaði sem fulltrúi sýslumanns á Ísafirði, Húsavík og Blönduósi.

Alls sóttu 13 manns um embættið, en einn dró umsókn sína til baka. Margrét María tekur við að Ingibjörgu Rafnar sem verið hefur umboðsmaður barna í rúm tvö ár.