Flugstöð Leifs Eiríkssonar og Hitaveita Suðurnesja undirrita samning

Flugstöð Leifs Eiríkssonar hf. (FLE) hefur undirritað samning við Hitaveitu Suðurnesja hf. (HS) um kaup á raforku og heitu vatni. Við sama tækifæri var undirritaður þjónustu- og samstarfssamningur á milli fyrirtækjanna.

Með samningunum hefur FLE tryggt sér heitt vatn til upphitunar fyrir byggingar sínar á Keflavíkurflugvelli og einnig raforku fyrir alla sína starfsemi.

Þjónustu- og samstarfssamningur við HS tryggir aukið afhendingaröryggi raforku til FLE. Samningurinn nær einnig til reksturs og viðhalds á varaaflstöð sem tryggir FLE ávallt nægt varaafl í straumleysi.