Villtar nætur Britney Spears

Það fer ekki fáum sögum af tjúttinu hjá henni Britney Speras. Á meðan kollegar hennar í tónlistarbransanum fóru á Grammy tónlistarverðlaunahátíðina síðustu helgi var Britney á djamminu í New York. Hún virðist nær því að hampa verðlaunum fyrir mesta djammið þessa dagana frekar en Grammy verðlaunum.

Við skulum líta á það sem af er komið febrúarmánuði. Í byrjun febrúar sást til hennar drukkinnar að skemmta sér í óviðeigandi og efnislitlum klæðnaði, að sögn vitna í samtali við US Weekly. Síðan þá hefur leiðin legið niður á við. Næstu daga á eftir fór Britney að versla óhóflega mikið og klæddi sig eitt sinn úr öllu nema nærfötunum á næturklúbb einum. Þann 10. þessa mánaðar tókst henni síðan að kasta upp á sjálfa sig á Teniune klúbbnum, eftir mikið djammkvöld. Það er því allt að gerast hjá poppprinsessunni og tveggja barna móðurinni henni Britney. Hvað gerist næst?