Tveir stútar teknir á Akureyri í dag

Tveir menn voru teknir vegna ölvunaraksturs á Akureyrir um þrjúleytið í dag. Að sögn lögreglunnar höfðu mennirnir farið of snemma af stað eftir gleðskap næturinnar.

Mikið annríki hefur verið hjá lögreglunni á Akureyri vegna hátíðarinnar Bíladagar sem nú fer fram þar í bæ.

Alls þurfti lögreglan á Akureyri að hafa afskipti af 40 ökumönnum í gærkvöldi vegna hraðaksturs. Voru ökumennirnir að aka að meðaltali á 110 til 142 km hraða. Minna hefur verið um hraðakstur í dag að sögn lögreglunnar.