Eyjan tekin til starfa

Eyjan, nýr sjálfstæður fjölmiðill á netinu, tók til starfa í morgun. Á Eyjunni birtast fréttir, unnar af tveggja manna ritstjórn. Einnig blogga þar nítján bloggarar. Þeir eru Egill Helgason, sem skrifar Silfur Egils á Netinu fyrir Eyjuna, Þráinn Bertelsson, Össur Skarphéðinsson, Arna Schram, Helga Vala Helgadóttir, Björn Ingi Hrafnsson, Pétur Tyrfingsson, Pétur Gunnarsson, Björgvin Valur Guðmundsson, Andrea Ólafsdóttir, Tómas Hafliðason, Andrés Magnússon, Grímur Atlason, Magnús Sveinn Helgason, Hafrún Kristjánsdóttir, Þorbjörg Gunnlaugsdóttir, Andrés Jónsson.

Eyjan miðlar einnig RSS-straumum frá íslenskum fréttamiðlum og geta lesendur Eyjunnar fylgst með nýjustu fréttum allra helstu miðla hér á landi og einnig fréttum valinna erlendra fjölmiðla.

Eigendur Eyjunnar eru Andrés Jónsson, Birgir Erlendsson, Jón Garðar Hreiðarsson, sem jafnframt er framkvæmdastjóri, og Pétur Gunnarsson. Ritstjórar eru Pétur Gunnarsson, sem jafnframt er ábyrgðarmaður og Andrés Jónsson.