Fá rúm 180 þúsund tonn úr norsk-íslenska síldarstofninum

Íslendingar fá að veiða samtals 184 þúsund tonn af síld úr norsk-íslenska síldarstofninum á næsta ári samkvæmt samkomulagi sem náðist á fundi strandríkja í Lundúnum í gær.

Fram kemur á vef sjávarútvegsráðuneytisins að heildarkvótinn verði nærri 1,3 milljónir tonna á næsta ári en um litla breytingu á kvóta er að ræða á milli ára.

Norðmenn fá mestan kvóta, eða rúmlega 770 þúsund tonn. Þar á eftir koma Íslendingar og Rússar koma næstir með 162 þúsund tonn. Auk þess fá Fæeyringar og Evrópusambandið hluta af kvótanum.

Niðurstaðan í viðræðunum er er í fullu samræmi við vísindaráðgjöf Alþjóða Hafrannsóknaráðsins eftir því sem sjávarútvegsráðuneytið segir.